اربعین حسینی ، کربلائے معلی میں سیکورٹی کے سخت انتظامات

عراق کے مقدس شہر کربلائے معلی کے پولیس سربراہ کا کہنا ہے کہ اربعین حسینی کے موقع پر زائرین کی سیکورٹی اور تحفظ کے لئے پچاس ہزار پولیس اور فوجی جوانوں کو تعینات کیا جارہا ہے ۔ کربلائے معلی کے پولیس سربراہ احمد الزویتی نے کہا کہ پولیس اور فوجی جوان ہرطرح کے دہشت گردانہ واقعات کا مقابلہ کرنے کے لئے پوری طرح تیار ہیں کربلائے معلی کے سربراہ نے بتایا کہ دھماکوں کے منصوبوں کو ناکام بنانے والےاور دھماکے کی ممکنہ  کاروائیوں کا پتہ لگا کران کا سدباب کرنےوالے خصوصی دستوں نے اپنی سرگرمیاں شروع کردی ہيں انھوں نے کہا کہ پولیس اور سیکورٹی فورس کے کئی دستوں کو کربلائے معلی سے باہر مضافاتی علاقوں میں بھی تعینات کردیا گیا ہے ۔واضح رہے کہ سیدالشہداء حضرت امام حسین علیہ السلام کے چہلم کے موقع پر عراق اور پوری دنیا سے دسیوں لاکھ کی تعداد میں زائرین کربلائے معلی پہنچتے ہيں ۔