ایران
پاکستان کے دشمن کو ایران کا دشمن سمجھاجائے گا: احمدی نژاد
ایران کے صدر احمدی نژاد نے پاکستان اور پاکستانی عوام سے یکجہتی کا اظہار کرتے ہوئے واضح کیا ہے کہ پاکستان کے دشمن کو ایران کا دشمن سمجھا جائے گا، وہ پاکستان کی وزیر برائے ریگولیشن اینڈ سروسز ڈاکٹر فردوس عاشق اعوان سے بات چیت کررہے تھے۔ ملاقات میں مذہبی اسکالر خانم طیبہ بخاری بھی موجود تھیں۔ ایرانی صدراحمدی نژاد نے پاکستانی وزیر فردوس عاشق اعوان سے معاشیات، سماجی، ثقافتی، مذہبی اور صحت کے متعلق امور پر تبادلہ خیال کیا۔ صدر احمدی نژاد نے ایرانی ہلال احمر کو سندھ اور پنجاب کے سیلاب زدگان کی بحالی کیلئے پاکستانی ہلال احمر سے ملکر کام کرنے کی ہدایت کی۔