عوام اور علماء الازہر کے نام آیت اللہ مکارم شیرازی کا پیغام
03 فروری, 2011 11:34
مرجع تقلید آیت اللہ ناصر مکارم شیرازی نے علماء الازہر اور مصری عوام کے نام اپنے ایک پیغام میں کہا ہے کہ بلاشبہہ آمریت کا سیاہ دور ختم ہوچکا ہے اور اب آمروں کی واپسی کا کوئي راستہ باقی نہيں بچا ہے ۔شیعت نیوز کی رپورٹ کے مطابق مرجع تقلید آيت اللہ ناصر مکارم شیرازی نے اپنے ایک پیغام میں کہا کہ انصاف ، معقول آزادی ، غربت کا خاتمہ ، اور مسلمانوں کے امور میں اغیار کی عدم مداخلت سب کے سب اسلام اور قرآن مجید کے مسلمہ اصولوں میں سے ہے ۔آیت اللہ ناصر مکارم شیرازی نے مصری عوام کے نام اپنے پیغام میں کہا ہے کہ مصری عوام کا اپنے ملک کے آمر کے خلاف جو امریکہ اور اسرائیل سے وابستہ ہے یہ جراتمندانہ انقلاب ان کی مذہبی اور سیاسی بصیرت کا آئینہ دار ہے ۔
