تاریخی واقعات کا بیان کرنا پیامبر اکرم کے اصحاب کی اھانت نہیں ہے
08 جنوری, 2011 13:06
حضرت آیت الله مکارم شیرازی اس تاکید کے ساتھ کہ تاریخی واقعات اور تاریخی مسائل کو بھلایا نہی جا سکتا ہے ، کہا : بعض اھل سنت کے علماء نے ایرانی ٹیلی ویژن کے کچھ پروگرام کو پیامبر اکرم صلی اللہ علیہ و آلہ وسلم کے اصحاب کی اھانت بتایا ہے حالانکہ ان کی یہ فکر غلط ہے ۔مرجع تقلید نے بیان کیا : ان لوگوں کو غور کرنی چاہیئے کہ اھانت ایک الگ مسئلہ ہے اور تاریخی روایت دوسرا مسئلہ ہے اور ان دونوں میں بنیادی فرق ہے ۔
حضرت آیت الله مکارم شیرازی نے وضاحت کی : کیا کسی کو شک ہے کہ تاریخ اسلامی میں ایک جنگ ہوا ہے جس کا نام جنگ جمل ہے ؟ اور کیا کسی کو شک ہے کہ طلحہ و زبیر نے اپنے امام کی بیعت توڑ دی ؟ کیا کسی کو اس پر شک ہے کہ مسلمانوں کی کثیر تعداد اس جنگ میں مارے گئے ؟ یہ سب تاریخی روایت ہے کہ اور اس کو بیان کرنے میں کوئی مشکل نہی ہے ۔
انہوں نے اس بحث کو جاری رکھتے ہوئے وضاحت کی : کیا کسی کو شک ہے کہ اسلام میں ایک جنگ صفین کے نام سے ہوا ؟ کیا کسی کو اس میں شک ہے کہ معاویہ نے اپنے زمانہ کے امام کی بیعت نہی کی ؟ اور آپ لوگ کہتے ہیں کہ تاریخ بیان نہ کیا جائے ۔
حوزہ علمیہ قم میں فقہ کے درس خارج کے استاد نے تاکید کی : کبھی تاریخ سے آنکھیں بند نہی کرنی چا ہیئے اور تحقیر ایک مسئلہ ہے اور تحقیق دوسرا مسئلہ اور کبھی بھی ان دو چیزوں کو مخلوط نہ کیا جائے ۔
