ایران اپنے دفاع کے لۓ مکمل طور پر آمادہ
05 جنوری, 2011 14:06
اسلامی جمہوریہ ایران کی وزارت خارجہ کے ترجمان رامین مہمان پرست نے ایک بار پھر ایران کی ایٹمی سرگرمیوں کے پر امن ہونے پر تاکید کی ہے۔رامین مہمان پرست نے ایران کے سابق نائب وزیر دفاع علی رضا عسکری کی شہادت سے متعلق منظر عام پر آنے پر خبروں کے بارے میں کہا کہ اس امر سے علی رضا عسکری اور ان چار ایرانی سفارتکاروں کے سلسلے میں صیہونی حکومت کی ریاستی دہشت گردی کی نشاندہی ہوتی ہے جن کو کئي سال پہلے اغوا کیا گيا اور ان کی صورتحال کے بارے میں کچھ پتہ نہیں ہے۔
رامین مہمان پرست نے سپاہ پاسداران انقلاب اسلامی کے ہاتھوں خلیج فارس میں دو غیر ملکی جاسوس طیاروں کے گراۓ جانے کے سلسلے میں کہا کہ ایرانی حکام نے اپنے دفاعی نظام خاص کر اپنی فضائي حدود کے دفاع کے بارے میں بارہا کہا ہے کہ ایران اپنے دفاع کے لۓ مکمل طور پر آمادہ ہے اور وہ کسی کو بھی اپنی فضائي حدود کی خلاف ورزی کرنے کی اجازت نہیں دے گا۔
