ایرانی وزیر خارجہ اور پاکستانی آرمی چیف کا ٹیلیفونک رابطہ، خطے کی صورتحال پر تبادلہ خیال
WebDesk
11 ستمبر, 2026 09:14
ایرانی وزیر خارجہ اور پاکستانی آرمی چیف کا ٹیلیفونک رابطہ
شیعیت نیوز : اسلامی جمہوریہ ایران کے وزیر خارجہ سید عباس عراقچی اور پاکستان کے آرمی چیف فیلڈ مارشل عاصم منیر کے درمیان اہم ٹیلیفونک رابطہ ہوا ہے۔ اس گفتگو کے دوران دونوں رہنماؤں نے خطے کی تازہ ترین صورتحال اور بڑھتی ہوئی کشیدگی کے علاقائی امن و استحکام پر پڑنے والے اثرات کا تفصیلی جائزہ لیا۔
مذاکرات کے دوران دونوں جانب سے موجودہ حساس حالات کے تناظر میں خطے کے ممالک کے درمیان ہوشیاری، باہمی رابطے اور ہم آہنگی کی ضرورت پر خصوصی زور دیا گیا۔
یہ بھی پڑھیں : حرم امیرالمؤمنین کے وفد کا جامعۃ الکوثر اسلام آباد کا دورہ اور طلبہ سے خطاب
ایرانی وزیر خارجہ اور پاکستانی آرمی چیف نے اس بات پر بھی اتفاق کیا کہ خطے میں پائیدار امن و سلامتی کے قیام میں مدد کے لیے دونوں برادر ممالک کو اپنی مشترکہ صلاحیتوں اور امکانات سے بھرپور فائدہ اٹھانا چاہیے۔
