ایران کیخلاف فوجی کارروائیوں پر پردہ ڈالنے کی کوشش، امریکی وزارت دفاع نے آپریشن کا نام تبدیل کر دیا

شیعیت نیوز : امریکی وزارت دفاع (پینٹاگون) نے ایران کے خلاف جاری اپنی فوجی جارحیت پر پردہ ڈالنے اور امریکی کانگریس کو چکمہ دینے کے لیے کارروائی کے سرکاری نام کو تبدیل کرنے کی باضابطہ ہدایت جاری کر دی ہے۔ امریکی فضائیہ کی جانب سے جاری کردہ ای میل کے مطابق، اب امریکی فوجی ادارے ایران کے خلاف کارروائی کے لیے ‘آپریشن ایپک فیوری’ کا نام ہرگز استعمال نہیں کریں گے۔

یہ بھی پڑھیں : امریکہ کو ایرانی قوم کے سامنے سر تسلیم خم اور مفاہمتی شرائط پر عمل کرنا ہوگا، حجت الاسلام حسین طائب

امریکی نشریاتی ادارے سی بی ایس نیوز کی رپورٹ کے مطابق، 7 اگست کو جاری ہونے والی اس ای میل میں امریکی فوج کے اعلیٰ حکام کو واضح ہدایت دی گئی ہے کہ آئندہ ایران کے خلاف جاری فوجی سرگرمیوں کے لیے ‘امریکی سینٹرل کمانڈ کے علاقے میں بیرونی آپریشنز’ کی اصطلاح استعمال کی جائے۔ اس تبدیلی کا مقصد امریکی فوجی کارروائیوں کے نام کو حکومت کے نئے سیاسی موقف کے مطابق بنانا ہے۔

اس نام کی تبدیلی کی بنیادی وجہ سابق امریکی صدر ڈونلڈ ٹرمپ کا وہ دعویٰ ہے جس میں انہوں نے اعلان کیا تھا کہ 5 مئی کو جنگ بندی کے بعد یہ آپریشن ختم ہو گیا تھا۔ دراصل ٹرمپ نے کانگریس کے ساتھ 60 روزہ جنگی اختیارات کی مدت کے معاملے پر اختلافات سے بچنے کے لیے یہ موقف اپنایا تھا۔ بعد ازاں 7 جولائی کو انہوں نے کانگریس کو باضابطہ مطلع کیا کہ ایران کے خلاف فوجی کارروائی دوبارہ شروع کر دی گئی ہے، جس سے قانون کے تحت ایک نئی 60 روزہ مدت کا آغاز ہوا۔ اس اعلان کے بعد سے فریقین کے درمیان فوجی کشیدگی اور فائرنگ کا سلسلہ تاحال جاری ہے۔