حسین بن علیؑ کا خون 1400 سال بعد بھی ابل رہا ہے، اربعین عالمی تر ہوتا رہے گا، شہید آیت اللہ خامنہ ایؒ

شیعیت نیوز : شہید امام حضرت آیت‌اللہ العظمیٰ سید علی خامنہ ای (رہ) نے اپنے بیانات میں اربعین حسینی کو عالمی سطح پر امتِ اسلامی کے اتحاد اور بیداری کی علامت قرار دیا ہے۔ انہوں نے فرمایا کہ اربعین عالمی ہو گیا اور عالمی تر ہوتا رہے گا؛ یہ حسین بن علی علیہما السلام کا خون ہے جو 1400 سال بعد بھی ابل رہا ہے اور دن بہ دن تازہ تر اور زندہ تر ہوتا جا رہا ہے۔

شہید امام خامنہ ایؒ نے عاشورا کے پیغام کو عالمگیر قرار دیتے ہوئے کہا کہ یہی پیام اباعبداللہؑ اور زینب کبریٰؑ کے حلق سے انتہائی غربت و تنہائی میں صادر ہوا اور آج عالمی فضا کو گھیر چکا ہے اور گھیرتا رہے گا۔ انہوں نے فرمایا کہ امام حسینؑ انسانیت سے تعلق رکھتے ہیں، ہم شیعہ فخر کرتے ہیں کہ ہم ان کے پیرو ہیں لیکن وہ صرف ہمارے نہیں ہیں؛ اسلامی مذاہب، شیعہ اور سنی، سب امام حسینؑ کے پرچم تلے ہیں۔

یہ بھی پڑھیں: شیخ قیس الخزعلی: الحشد الشعبی پر امریکی و سعودی حملہ عراق کی خودمختاری کی خلاف ورزی

شہید امام خامنہ ایؒ نے اربعین کی عظیم واک کو اللہ تعالیٰ کی عظیم آیت اور نشانی قرار دیتے ہوئے کہا کہ اس عظیم واک میں حتیٰ وہ لوگ بھی شریک ہوتے ہیں جو اسلام کے پابند بھی نہیں ہیں اور یہ سلسلہ انشاءاللہ جاری رہے گا۔ انہوں نے مزید کہا کہ اس دور میں جب اسلام کے دشمن ہر قسم کے اوزاروں، پیسے، سیاست اور ہتھیاروں کے ذریعے امتِ اسلامی کے خلاف کام کر رہے ہیں، اللہ تعالیٰ یکایک اربعین واک کو اتنی عظمت دیتا ہے، اتنا جلوہ دیتا ہے، جو امتِ اسلامی کی نصرت پر الٰہی ارادے کی علامت ہے۔

واضح رہے کہ ان بیانات کے پس منظر میں موجودہ حالات میں امریکی-سعودی جارحیت کے خلاف عراقی مزاحمت، یمن کا ریاض پر حملہ، اور عصائب اہلِ حق کے سیکریٹری جنرل شیخ قیس الخزعلی کا حملوں کے خلاف سخت ردعمل سامنے آیا ہے، جس سے ظاہر ہوتا ہے کہ اربعین کا پیغام آج بھی مقاومت اور استکبار کے خلاف جدوجہد کا مرکز ہے۔