ایران کا فضائی دفاع مکمل طور پر مقامی صلاحیتوں پر مبنی ہے، خاتم الانبیاء ہیڈکوارٹر کمانڈر

شیعیت نیوز : خاتم الانبیاء مشترکہ فضائی دفاع ہیڈکوارٹر کے کمانڈر بریگیڈیئر جنرل امیر علی رضا الہامی نے کہا ہے کہ ایران امریکی-صہیونی جارحیت کے دوران نقصان پہنچنے والے فضائی دفاعی نظاموں اور آلات کی فوری مرمت اور تبدیلی کر رہا ہے۔

انہوں نے کہا کہ ایران کا فضائی دفاعی نیٹ ورک مکمل طور پر مقامی صلاحیتوں پر مبنی ہے، جس میں آلات، آپریشنل سسٹم، حکمت عملی، کمانڈ اینڈ کنٹرول سینٹرز، مواصلاتی انفراسٹرکچر اور انٹیلی جنس کے تمام اجزاء شامل ہیں۔

جنرل الہامی نے تاکید کی کہ آج ہمارے پاس فضائی دفاع کے جو وسائل ہیں وہ 100 فیصد ایرانی ہیں، جو ایرانی سائنسدانوں اور ماہرین کی محنت کا نتیجہ ہیں۔

یہ بھی پڑھیں : ایران نے اسرائیل پر حملہ نہ کرنے کے بدلے 12 بلین ڈالر ٹھکرا دیے، ٹرمپ کی پیشکش مسترد

انہوں نے کہا کہ موجودہ چیلنجز کے پیش نظر موجودہ نظاموں کو اپ گریڈ کرنے کے ساتھ ساتھ جنگ کے دوران نقصان زدہ آلات کی فوری تبدیلی ہماری ترجیح ہے۔ خود کفالت کی بدولت ایران غیر ملکی سپلائرز پر انحصار کیے بغیر اپنے دفاعی نظاموں کو جدید خطرات کے مطابق اپ گریڈ، اپ ڈیٹ اور بڑے پیمانے پر پیداوار کر سکتا ہے۔

جنرل الہامی نے ایرانی نالج بیسڈ کمپنیوں اور تحقیقاتی مراکز کی تعریف کرتے ہوئے کہا کہ فضائی دفاعی آلات کی جدید کاری اور مقامی پیداواری صلاحیت میں اضافے کی کوششیں جاری ہیں۔