آیت اللہ مکارم شیرازی کا پیغام: آیت اللہ مجتبی خامنہ ای کی رہبری پر خیر مقدم، اتحاد اور استقامت کے ساتھ انقلاب کا راستہ جاری رکھیں

شیعیت نیوز : مجلس خبرگان رہبری کی جانب سے آیت اللہ مجتبی خامنہ ای کو انقلاب اسلامی کے تیسرے رہبر کے طور پر منتخب کرنے کی مناسبت سے آیت اللہ العظمیٰ مکارم شیرازی نے اہم پیغام جاری کیا ہے۔

آیت اللہ مکارم شیرازی نے اپنے پیغام میں فرمایا:

“اللہ کے فضل سے مجلس خبرگان رہبری نے حساس حالات میں ہنگامی فیصلہ کرتے ہوئے اپنے شرعی اور قانونی وظیفے پر عمل کیا ہے۔ مجلس خبرگان نے معیارات پر غور کرتے ہوئے جناب آیت اللہ آقای حاج سید مجتبی خامنہ ای کو تیسرے رہبر انقلاب اسلامی منتخب کرکے سب پر حجت تمام کر دی ہے۔

اس وقت مناسب ہے کہ عزیز عوام اور حکومتی عہدیداران اس سب سے زیادہ مناسب انتخاب کے ساتھ وفاداری کا اعلان کریں اور اتحاد اور استقامت کے ساتھ مکمل فتح تک انقلاب کے نورانی راستے کو جاری رکھیں۔

یہ بھی پڑھیں : آیت اللہ سید مجتبی خامنہ ای کی سوانح حیات: علمی گہرائی، تدریسی خدمات اور حکمرانی کے شعبوں میں تحقیق و منصوبہ بندی

میں دوبارہ شہید رہبر انقلاب، کمانڈروں، عوام، بچوں اور خواتین کی شہادت پر ایرانی عوام کو تعزیت اور تبریک پیش کرتا ہوں اور اللہ تعالیٰ سے اسلامی جمہوری ایران کی کامیابی، عزت اور سربلندی اور دشمنوں کی ذلت و رسوائی کی دعا کرتا ہوں۔”

آیت اللہ مکارم شیرازی کا یہ پیغام رہبر انقلاب کی شہادت کے بعد ایران میں پیدا ہونے والے حساس اور تاریخی موڑ پر اتحاد، استقامت اور ولایت فقیہ کے نظام کی مضبوطی کی طرف ایک اہم اشارہ ہے۔