نگر اسٹوڈنٹس فیڈریشن سنیٹ کے وفد کی ڈاکٹر شبیر حسن میثمی سے ملاقات، طلبہ کے مسائل پر گہری گفتگو اور تعاون کی یقین دہانی
16 فروری, 2026 13:10
شیعیت نیوز : مورخہ 14 فروری 2026ء کو "نگر اسٹوڈنٹس فیڈریشن سنیٹ” کے ایک وفد نے چیئرمین الزہراء (س) اکیڈمی اور جنرل سیکریٹری شیعہ علماء کونسل، ممتاز عالم دین و دانشور جناب ڈاکٹر شبیر حسن میثمی سے ان کے دفتر میں خصوصی ملاقات کی۔
اس ملاقات کا بنیادی مقصد طلبہ و طالبات کو درپیش تعلیمی، سماجی اور معاشی چیلنجز پر تبادلہ خیال کرنا تھا۔ دوران گفتگو ڈاکٹر صاحب نے وفد کے مسائل کو نہایت دل جمعی سے سنا اور ان کے حل کے لیے دور رس اقدامات پر زور دیا۔
رپورٹ کے مطابق اس ملاقات کے کلیدی نکات درج ذیل تھے: • جامع مکالمہ: طلبہ کو درپیش معاشی رکاوٹوں اور سماجی مسائل پر سیر حاصل گفتگو ہوئی۔ • ترجیحی بنیادیں: ڈاکٹر صاحب نے اس امر کا اعادہ کیا کہ طلبہ کے مسائل کا حل ہماری اولین ترجیح ہے۔ • تعاون کی یقین دہانی: انہوں نے NSF کے اراکین کو علمی و عملی میدان میں ہر ممکن تعاون کی بھرپور یقین دہانی کروائی۔
