مجھ پر عدالتی کارروائی سے امریکہ اور اسرائیل کے مفادات کو نقصان پہنچے گا، نتن یاہو
14 نومبر, 2025 09:27
شیعیت نیوز : غاصب اسرائیلی وزیرِاعظم بنیامین نتن یاہو نے دعویٰ کیا ہے کہ ان کے خلاف عدالتی کارروائی امریکہ اور اسرائیل دونوں کے مفادات کو نقصان پہنچائے گی۔
نتن یاہو نے کہا کہ وہ کبھی بھی باضابطہ طور پر معافی کی درخواست نہیں کریں گے کیونکہ ایسا اقدام جرم کے اعتراف کے مترادف ہوگا۔ یہ اس وقت ہے جب حال ہی میں ڈونلڈ ٹرمپ نے تل ابیب کو ایک باضابطہ خط بھیج کر نتن یاہو کے لیے معافی کی درخواست کی تھی۔
انہوں نے مزید کہا کہ انہیں نیویارک کے سفر سے کوئی خوف نہیں اور اگر اس شہر کے نئے میئر زہران ممدانی اپنی آگاہی میں اضافہ کریں تو وہ ان سے ملاقات اور گفتگو کا خیر مقدم کریں گے۔
یہ بھی پڑھیں : اسرائیل نے فلسطینیوں کو بارودی سرنگوں کے شبہ والے ٹنلوں میں داخل ہونے پر مجبور کیا، امریکی انٹیلیجنس کا انکشاف
یاد رہے کہ ممدانی نے پہلے کہا تھا کہ اگر نتن یاہو نیویارک کا سفر کرتے ہیں تو ان کے خلاف جاری بین الاقوامی حکمِ گرفتاری کے تحت انہیں گرفتار کیا جائے گا۔
