دہشت گرد تکفیری جماعت تحریکِ لبیک ریاست دشمن مسلح بغاوت تھی، سخت کارروائی ہوگی، محسن نقوی

شیعیت نیوز: وفاقی وزیرِ داخلہ محسن نقوی نے واضح کیا ہے کہ کالعدم تکفیری دہشت گرد جماعت تحریکِ لبیک (TLP) بار بار اپنی شرائط بڑھاتی رہی اور ریاست کو بلیک میل کرنے کی کوشش کرتی رہی۔

انہوں نے کہا کہ یہ کوئی مذہبی تحریک نہیں بلکہ ریاست دشمن اور مسلح بغاوت تھی — پولیس و رینجرز پر فائرنگ، شاہراہیں بند کرنا اور عوامی زندگی کو خطرے میں ڈالنا اس کا ایجنڈا تھا۔

وفاقی حکومت نے اعلان کیا ہے کہ ایسے عناصر کو قانون کے مطابق سخت ترین کارروائی کا سامنا ہوگا، اور ریاست اپنے اداروں کو ٹھیس پہنچانے والوں پر چشمِ پوشی نہیں کرے گی۔

یہ بھی پڑھیں : تکفیری جماعت تحریک لبیک کے اقدامات نے اسلام اور اہلِ مذہب دونوں کو نقصان پہنچایا، وزیرِ مذہبی امور سردار محمد یوسف

محسن نقوی نے مزید کہا کہ قانون نافذ کرنے والے ادارے اپنی حدود و اصول کے مطابق عوام کے تحفظ اور آئین کے نفاذ کو یقینی بنائیں گے، کسی بھی قسم کے تشدد یا بغاوت کے عمل کو برداشت نہیں کیا جائے گا۔

وزیرِ داخلہ نے عوام سے اپیل کی کہ وہ ریاستی اداروں کے ساتھ تعاون کریں اور ایسے عناصر کی حمایت یا انہیں پناہ دینے سے گریز کریں، تاکہ امن و سلامتی کو برقرار رکھا جا سکے۔