ایران اور روس کے درمیان دفاعی تعاون پر کسی کو اعتراض کا حق نہیں، روس

شیعیت نیوز : روسی وزیر خارجہ سرگئی لاوروف نے کہا ہے کہ ایران اور روس کے درمیان دفاعی صنعتوں کا تعاون مکمل طور پر بین الاقوامی قوانین کے دائرے میں ہے اور اس پر کسی کو اعتراض کا حق نہیں۔

لاوروف نے واضح کیا کہ خطے کے متعدد ممالک روسی جوہری توانائی اور ٹیکنالوجی میں دلچسپی کا اظہار کر رہے ہیں، جس سے روس کے عالمی کردار کی وسعت کا اندازہ ہوتا ہے۔

یہ بھی پڑھیں : صہیونی فوج کا رفح میں معاہدے کی خلاف ورزی کرتے ہوئے شدید حملہ

انہوں نے غزہ کے مسئلے کے حوالے سے مصر میں ہونے والی امن کانفرنس کا ذکر کرتے ہوئے کہا کہ روس کو امید ہے کہ یہ اجلاس کامیاب ثابت ہوگا، تاہم ابھی تمام معاملات حتمی نہیں ہوئے۔

سرگئی لاوروف نے سابق امریکی صدر ڈونلڈ ٹرمپ کے امن منصوبے پر تنقید کرتے ہوئے کہا کہ یہ منصوبہ صرف غزہ تک محدود نہیں رہنا چاہیے، بلکہ مغربی کنارے کے مستقبل کا تعین بھی ضروری ہے۔

روسی وزیر خارجہ نے اس بات پر زور دیا کہ خطے میں دیرپا امن کے لیے ایک آزاد فلسطینی ریاست کا قیام ناگزیر ہے، جسے اقوام متحدہ کی حمایت حاصل ہو اور جس سے مشرق وسطیٰ میں حقیقی استحکام کی راہ ہموار ہو سکے۔