پاکستان اور بنگلا دیش کی اعلیٰ سطحی ملاقات

شیعیت نیوز : ایکسپریس نیوز کے حوالے سے نقل کیا ہے کہ دونوں رہنماؤں نے خوشگوار ماحول میں گرم جوشی سے ملاقات کی اور پاکستان، بنگلا دیش کے دو طرفہ تعلقات کو مزید بہتر اور مضبوط بنانے پر تبادلہ خیال کیا۔

مزید برآں دو طرفہ تعلقات میں کثیر الجہتی تعاون بالخصوص تجارت، علاقائی تعاون اور دونوں ممالک کے لوگوں کے باہمی تعلقات کو بڑھانے پر بھی بات چیت ہوئی۔

یہ بھی پڑھیں : ایران کا دوٹوک اعلان؛ جوہری پروگرام نہیں رکے گا

وزیراعظم نے باہمی عزت و رواداری، اعتماد اور علاقائی ترقی جیسے مشترکہ مقاصد پر مبنی پاکستان-بنگلا دیش تعلقات کو مزید مضبوط کرنے کے عزم کا اعادہ کیا۔

اس موقع پر بنگلا دیش کے چیف ایڈوائزر نے سفارتی تعلقات میں بہتری اور پاکستان کے کردار کو خوش آئند قرار دیتے ہوئے باہمی تجارت اور ثقافتی تعلقات کو بہتر کرنے کی اہمیت پر بھی زور دیا۔

دونوں رہنماؤں کے درمیان دوستانہ اور گرم جوش انداز میں ہونے والی یہ ملاقات برصغیر اور خطے کے استحکام کے ساتھ ساتھ عوام کی خوشحالی کے لیے مشترکہ عزم کی عکاس ہے۔