یوراگوئے کی حکمران جماعت کی تنقید: وینزویلا کے قریب امریکی فوجی تعیناتیاں خطرہ ہیں

شیعیت نیوز : یوراگوئے کی حکمران جماعت نے وینزویلا کی سرحدوں کے نزدیک امریکی فوج کی تعییناتی کو خطے کے لیے سیکورٹی خطرہ قرار دیتے ہوئے مخالفت کی ہے۔

سرکاری اخبار کے مطابق حکمران جماعت کی میٹنگ میں بیان پڑھا گیا جس پر کچھ ترامیم کے بعد رائے شماری کی گئی، جو اکثریت سے منظور ہوگئی۔

بیان میں کہا گیا کہ امریکہ کے 4,500 فوجی اہلکار، جنگی جہاز، جوہری آبدوز اور دیگر طاقتور ہتھیار ونزوئلا کے قریب تعینات کئے جارہے ہیں۔ کمیٹی نے ان اقدامات کو بین الاقوامی قوانین کی خلاف ورزی اور خطے میں امن و استحکام کے لیے خطرہ قرار دیا۔

یہ بھی پڑھیں : ایران کا اعلان: جوہری تنصیبات پر حملے غیر قابل قبول، قرارداد آئی اے ای اے اجلاس میں پیش ہوگی

بیان میں مزید کہا گیا کہ امریکی اقدامات لاطینی امریکہ کو امن کا خطہ قرار دینے والے تلاتلولکو معاہدے اور SLAC اعلامیہ کی خلاف ورزی ہیں۔

حکمران جماعت نے وینزویلا کے عوام کے ساتھ مکمل یکجہتی کا اظہار کیا اور خطے میں امن کے لیے بین الاقوامی قوانین کے احترام کا مطالبہ کیا۔