بین الاقوامی فوجداری عدالت میں دو اسرائیلی وزیروں کے خلاف گرفتاری کے احکام متوقع

شیعیت نیوز : بین الاقوامی فوجداری عدالت میں اسرائیلی حکومت کے دو اعلیٰ عہدیداروں کے خلاف بین الاقوامی گرفتاری کے احکام جلد جاری کیے جا سکتے ہیں۔

رپورٹ کے مطابق صہیونی وزیر داخلہ ایتامار بن گویر اور وزیر خزانہ بیتسلئیل اسموتریچ پر نسل پرستی پر مبنی بیانات اور پالیسیوں کے تحت مقدمات تیار کیے جا چکے ہیں۔ یہ پہلا موقع ہوگا جب ان دونوں اسرائیلی وزیروں کو کسی بین الاقوامی عدالت میں اس نوعیت کے الزامات کا سامنا ہوگا۔

ذرائع نے مڈل ایسٹ آئی کو بتایا کہ بین الاقوامی فوجداری عدالت کے پراسیکیوٹر نے دونوں وزراء کے خلاف کئی فائلیں تیار کر لی ہیں، اگرچہ ابھی تک یہ درخواستیں باضابطہ طور پر عدالت میں جمع نہیں کرائی گئی ہیں۔

یہ بھی پڑھیں : مصر اور سعودی عرب کی جانب سے صہیونی حکومت کی حمایت، یمنی عوام کا شدید ردعمل

رپورٹ میں مزید کہا گیا ہے کہ اس قانونی اقدام پر شدید بین الاقوامی دباؤ بھی موجود ہے تاکہ گرفتاری کے احکامات کو روکا جا سکے۔ تاہم انسانی حقوق کے کارکنوں اور قانونی ماہرین کو امید ہے کہ انصاف کے تقاضے سیاسی مداخلت پر غالب آئیں گے۔