زاہدان میں عدالتی کمپاؤنڈ پر دہشتگرد حملہ، سپاہ پاسداران کی بروقت کارروائی میں تمام دہشتگرد ہلاک

شیعیت نیوز : ایران کے جنوب مشرقی صوبے سیستان و بلوچستان میں ہفتے کے روز زاہدان کی عدالتی کمپاؤنڈ پر ہونے والے دہشتگرد حملے کے بعد ایرانی سیکیورٹی فورسز نے پورے دہشتگرد گروہ کو ہلاک کر دیا۔

مقامی عسکری حکام نے تصدیق کی ہے کہ جھڑپ کے دوران تمام دہشتگرد مارے گئے۔

سپاہ پاسداران انقلاب اسلامی کے آپریشنل بیس "قدس” کی جانب سے جاری بیان میں بتایا گیا کہ اس دہشتگرد حملے میں 6 افراد شہید اور 22 زخمی ہوئے، جن میں ایک خاتون اور ایک سالہ بچہ بھی شامل ہیں۔

بیان کے مطابق، حملے میں تین دہشتگرد مارے گئے، جن میں ایک خودکش جیکٹ پہنے ہوئے تھا۔

صوبے کے نائب کمانڈر برائے قانون نافذ کرنے والے ادارے علی رضا دلیری نے میڈیا کو بتایا کہ دہشتگرد گروہ کے افراد ہفتے کی صبح زاہدان کی عدلیہ میں سائلین کا روپ دھار کر داخل ہونے کی کوشش کر رہے تھے، تاہم سیکیورٹی فورسز نے بروقت کارروائی کرتے ہوئے تینوں حملہ آوروں کو ہلاک کردیا۔

یہ بھی پڑھیں : ایران-پاکستان تعلقات میں نیا موڑ؛ ایرانی صدر کا دورہ اسلام آباد

دلیری کے مطابق، دو حملہ آوروں کو عدالتی عمارت کے قریب ایک سڑک پر اس وقت ہلاک کیا گیا جب وہ فرار کی کوشش کر رہے تھے، جبکہ تیسرا حملہ آور دستی بم پھاڑنے سے قبل ہی مارا گیا۔ تاہم اس دھماکے کے نتیجے میں چند عام شہری شہید ہوگئے، جن میں ایک ماں اور ایک سال کا بچہ بھی شامل ہے۔

انہوں نے مزید کہا کہ جب ایک دہشتگرد نے عدالت کی راہداری میں دستی بم پھینکا تو بدقسمتی سے ایک بلوچ ماں اور ایک سالہ بچے سمیت 4 بے گناہ شہری شہید ہو گئے۔

زاہدان میں دہشتگردانہ حملہ، تمام دہشتگرد مارے گئے، 6 بے گناہ افراد شہید

صوبہ سیستان و بلوچستان کے اعلیٰ سیکیورٹی عہدیدار کا کہنا ہے کہ بعد ازاں قریبی گلی میں دہشتگردوں کے ساتھ ہونے والی جھڑپ میں خوش قسمتی سے مزید دو دہشتگرد ہلاک کیے گئے اور یہ دہشتگرد گروہ مکمل طور پر ناکارہ بنا دیا گیا اور پورا نیٹ ورک تباہ کر دیا گیا۔

اس دہشتگردانہ حملے کی ذمہ داری مسلح دہشتگرد تنظیم جیش العدل نے قبول کی ہے۔