سپاہ یزید کا یوم عاشور جیکب آباد جلوس پر حملہ شرمناک ہے، علامہ مقصود ڈومکی
جیکب آباد یوم عاشور کے جلوس پر کالعدم دہشتگرد تنظیم کے شرپسندوں کا حملہ نہایت افسوسناک اور شرمناک واقعہ ہے

شیعیت نیوز : مجلس وحدت مسلمین پاکستان کے مرکزی رہنما علامہ مقصود علی ڈومکی نے کہا ہے کہ دربار یزید میں امام زین العابدینؑ کا خطبہ حق و صداقت کا روشن مینار ہے۔
آل محمدﷺ کے ان خطبات نے یزیدی ایوان میں زلزلہ بپا کیا۔
حضرت امام زین العابدین سید الساجدینؑ کا دربار یزید میں تاریخی خطبہ، اہلِ بیت اطہارؑ کی جرأت، شجاعت، علم اور حق گوئی کا بے مثال نمونہ ہے۔
سید الساجدینؑ نے دربارِ یزید میں نہایت فصیح و بلیغ انداز میں خاندان اہل بیتؑ اور اپنی ذات گرامی کا تعارف کرایا اور آل محمد ﷺ کی ان امتیازی صفات و فضائل کا ذکر کیا جو اللہ تعالیٰ نے آل محمد ﷺ کو خاص طور پر عطا فرمائیں۔
ان میں علم، حلم، سخاوت، فصاحت، شجاعت اور مومنین کے دلوں میں محبت اہل بیت علیہ السلام شامل ہیں۔
خاندان نبوت کی قدسی صفات شخصیات کے یہ خطبے تاریخ کا ایسا جری موقف ہے۔
یہ بھی پڑھیں : شہدائے کربلا کی تدفین میں امام سجادؑ کی قیادت اور قبیلہ بنی اسد کی معاونت
جس میں ظلم و باطل کے ایوانوں میں کھڑے ہو کر حق و صداقت کی صدا بلند کی گئی۔
یزید اور ابن زیاد جیسے ظالم حکمرانوں کو کھلے عام للکارا گیا۔
آل محمد ﷺ کے ان خطبات نے یزیدی ایوان میں زلزلہ بپا کیا۔
جیکب آباد یوم عاشور کے جلوس پر کالعدم دہشت گرد تنظیم کے شرپسندوں کا حملہ نہایت افسوسناک اور شرمناک واقعہ ہے۔
واقعے میں کالعدم دہشت گرد تنظیم سپاہ یزید کے شرپسند عناصر ملوث ہیں، جو مسلسل فرقہ واریت اور دہشت گردی کو ہوا دے رہے ہیں۔
شرپسند عناصر کے خلاف قانون کے مطابق اے ٹی سی کی ایف آئی آر درج کی جائے تاکہ امن و امان کا قیام ممکن ہو اور عزاداران سید الشہداء علیہ السلام کو مکمل تحفظ دیا جا سکے۔