ایرانی پارلیمنٹ کا بڑا فیصلہ: IAEA سے تعاون معطل کرنے کا بل منظور
امریکی و اسرائیلی حملوں کے بعد 221 ارکان کی غیر معمولی حمایت، اقوام متحدہ چارٹر کی خلاف ورزی پر سخت ردعمل
شیعیت نیوز : اسلامی جمہوریہ ایران کی پارلیمنٹ نے آج ایک اعلانیہ اجلاس میں بین الاقوامی جوہری توانائی ایجنسی (IAEA) کے ساتھ تعاون معطل کرنے کے بل کی منظوری دے دی۔
قومی سلامتی و خارجہ کمیٹی کی جانب سے یہ بل منظوری کے لیے پارلیمنٹ میں پیش کیا گیا، جس کے بعد 223 میں سے 221 ارکان نے اس کی حمایت میں ووٹ دیا، کسی نے مخالفت نہیں کی، اور صرف ایک رکن نے رائے شماری میں حصہ نہیں لیا۔
یہ بھی پڑھیں : ایرانی میزائل حملوں سے اسرائیل کو 5 ارب ڈالر کا نقصان: صہیونی میڈیا کا اعتراف
یہ فیصلہ ایسے وقت میں سامنے آیا ہے جب امریکہ نے ایران کے متعدد پُرامن جوہری مراکز پر فضائی حملے کیے، جنہیں ایران نے اقوامِ متحدہ کے منشور اور بین الاقوامی قوانین کی کھلی خلاف ورزی قرار دیا ہے۔
اس سے قبل 13 جون کو اسرائیل نے ایران پر جنگ مسلط کی، جس کے بعد امریکہ نے بھی اتوار کی صبح نطنز، فردو اور اصفہان میں واقع پُرامن جوہری تنصیبات کو نشانہ بنایا۔
ایران نے واضح کیا ہے کہ وہ اپنی خودمختاری، قومی اور عوامی مفادات کے تحفظ کے لیے تمام آپشنز محفوظ رکھتا ہے۔
