پنجاب بھر میں یکم سے دس محرم تک دفعہ 144 نافذ رہے گی

شیعیت نیوز : محرم الحرام کے دوران قیام امن کیلئے پنجاب بھر میں دفعہ 144 کے نفاذ کا فیصلہ کیا گیا ہے۔

یکم سے دس محرم الحرام تک دفعہ 144 نافذ رہے گی۔

9 اور دس محرم کو موٹرسائیکل پر ڈبل سواری پر پابندی ہوگی۔

حکومت پنجاب نے محرم الحرام  میں سکیورٹی کے پیشِ نظر  صوبہ بھر میں دفعہ 144 نافذ کرنے کافیصلہ کیا ہے۔

مجاز اتھارٹی کی اجازت کے بغیر عوامی مقامات پر ہر قسم کے ہتھیار اور آتش گیر مواد کی نمائش پر پابندی ہوگی۔

عوامی جذبات، عقیدوں اور فرقوں کو بھڑکانے والے اشتعال انگیز نعروں اور اشاروں پر بھی مکمل پابندی عائد کی گئی ہے۔

کسی بھی ذرائع یا ڈیوائس سے فرقہ وارانہ یا نسلی منافرت کو ہوا دینے والے بیانات اور تبصروں پر بھی پابندی ہو گی۔

جلوس کے راستوں پر واقع مکانات یا دیگر عمارتوں کی چھتوں پر مورچوں کی تعمیر کی اجازت نہیں ہوگی۔

یہ بھی پڑھیں : یہ وقت ہے، جو میزائل رکھے ہوئے ہیں چلا دیں یا ایران کو دے دیں، سعد رضوی کا مطالبہ

جلوس کے راستوں میں موجود عمارتوں کی چھتوں پر پتھر، اینٹیں، بوتلیں یا کچرا جمع کرنے پر پابندی عائد کی گئی ہے۔

جلوس کے دوران راستے میں واقع عمارتوں کی چھتوں یا دکانوں کے تھڑوں پر بطور تماشائی موجودگی پر بھی پابندی عائد کر دی گئی ہے۔

بزرگ شہریوں، خواتین اور قانون نافذ کرنیوالے اداروں کے اہلکاروں کے علاوہ ڈبل سواری پر پابندی ہوگی۔

ڈبل سواری کے علاوہ تمام پابندیوں کا اطلاق یکم سے 10 محرم الحرام تک ہوگا۔

جبکہ ڈبل سواری پر پابندی کا اطلاق 9 اور 10 محرم الحرام کو ہوگا۔

محکمہ داخلہ پنجاب نے دفعہ 144 کے نفاذ کے احکامات جاری کر دیئے ہیں۔