گمبہ سکردو میں تکریمِ شہداء کانفرنس کی تیاریوں کے لیے عظیم الشان کارنر میٹنگ

شیعیت نیوز : تکریمِ شہداء و حمایتِ مظلومینِ جہاں کانفرنس کی تیاریوں کے سلسلے میں ایک عظیم الشان کارنر میٹنگ گمبہ سکردو میں منعقد ہوئی۔ اس اجلاس میں صدر ایم ڈبلیو ایم جی بی مجاہدِ ملت آغا علی رضوی، اپوزیشن لیڈر جی بی اسمبلی و پارلیمانی لیڈر مجلس وحدت مسلمین گلگت بلتستان محمد کاظم میثم، صدر مکتب علمائے اہلبیت شیخ علی محمد کریمی، رہنما ایم ڈبلیو ایم جی بی ابراہیم آزاد، رہنما ایم ڈبلیو ایم مولانا عباس امیری کے علاوہ گمبہ سکردو، شگری کلاں، تندل، چنداہ، کھربو، تنجوس، رنگاہ، رزسنا، کواردو، کچورا اور دیگر علاقوں کے نمائندہ وفود نے شرکت کی۔

کارنر میٹنگ میں کانفرنس کی تیاریوں کے جائزے کے ساتھ ساتھ گلگت بلتستان کی مجموعی صورتحال پر بھی گفتگو ہوئی۔

یہ بھی پڑھیں : مغربی تہذیبی یلغار نوجوان نسل کو شناخت سے محروم کر رہی ہے، ایم ڈبلیو ایم کوئٹہ

اس موقع پر آغا علی رضوی نے اپنے خطاب میں کہا کہ ہماری سیاست کا مقصد اخلاقی و دینی اہداف کا حصول، خدمتِ انسانی، مظلومین کی حمایت اور باعزت زندگی کے لیے جدوجہد کرنا ہے۔ اُنہوں نے کہا کہ شہداء نے جو راستہ چھوڑا ہے، انہیں زندہ رکھنا اور معاشرتی ارتقاء و تکامل کو یقینی بنانا ہماری ذمہ داری ہے۔ انہوں نے مزید کہا کہ یہ کانفرنس مظلومین کے لیے نویدِ رحمت ثابت ہوگی۔