امریکہ اور ایران میں بالواسطہ مذاکرات جاری، ٹرمپ کے پیغامات رہبر معظم کو منتقل
اسٹیو وٹکاف کا کہنا ہے کہ یورپ میں ایرانی حکام سے متوقع ملاقات کے مثبت نتائج برآمد ہو سکتے ہیں
شیعیت نیوز : امریکہ کے مشرق وسطیٰ کے لیے نمائندۂ خصوصی اسٹیو وٹکاف نے کہا ہے کہ رواں ہفتے یورپ میں ایرانی حکام سے ملاقات کا امکان ہے اور امید ہے کہ اس ملاقات کے مثبت نتائج برآمد ہوں گے۔
امریکی نشریاتی ادارے کو دیے گئے انٹرویو میں انہوں نے کہا کہ ہم ایران کے ساتھ کسی معاہدے تک پہنچنے کے خواہاں ہیں، اور میرا خیال ہے کہ ہم اس مقصد میں کامیاب ہو سکتے ہیں۔
انہوں نے مزید کہا کہ صدر ڈونلڈ ٹرمپ ایران کے ساتھ تنازع کے سفارتی حل میں سنجیدہ ہیں، اور ایران کے رہبر اعلیٰ کو ان کی طرف سے براہ راست پیغامات بھیجے گئے ہیں، جنہیں ذاتی طور پر وٹکاف نے منتقل کیا ہے۔
یہ بھی پڑھیں : ایرانی صدر کا تہران ڈائیلاگ فورم میں خطاب، امریکہ اور مغرب پر کڑی تنقید
واضح رہے کہ ایران اور امریکا کے درمیان اب تک چار بالواسطہ مذاکراتی دور عمان اور اٹلی میں منعقد ہوچکے ہیں۔ ایرانی حکام نے بارہا اس بات پر زور دیا ہے کہ یہ مذاکرات مکمل طور پر جوہری مسئلے اور ایران پر عائد پابندیوں کے خاتمے کے لیے ہو رہے ہیں۔
