مجلس وحدت مسلمین کراچی کی جانب سے مبلغین کے اعزاز میں دعوتِ سحر
شہرِ کراچی میں تبلیغی سرگرمیوں کو مزید مؤثر بنانے پر تبادلہ خیال
شیعیت نیوز: مجلس وحدت مسلمین کراچی ڈویژن کی جانب سے ماہِ رمضان المبارک میں قم المقدسہ و نجفِ اشرف سے برائے تبلیغ تشریف لانے والے علماء و طلاب کے ساتھ ایک ملاقات و دعوتِ سحر کا اہتمام کیا گیا۔ ملاقات میں شہرِ کراچی میں مبلغین کی ضرورت سمیت دیگر اہم موضوعات پر گفتگو کی گئی۔
صوبائی صدر مجلس وحدت مسلمین علامہ باقر عباس زیدی نے مبلغین کی خدمات کو سراہا۔ ڈویژنل صدر کراچی علامہ صادق جعفری نے ایم ڈبلیو ایم کی کراچی میں فعالیت اور درپیش مسائل پر گفتگو فرمائی۔ مبلغین نے مجلس وحدت مسلمین کی کارکردگی کو سراہتے ہوئے ہر ممکن تعاون کی یقین دہانی کروائی۔
یہ بھی پڑھیں: یوم القدس کو جمعة الوداع پر بھرپور احتجاجی تحریک چلائی جائے، علامہ ساجد علی نقوی
ملاقات میں ڈویژنل ذمہ داران علامہ حیات عباس نجفی، برادر زین رضوی، برادر ہادی شہیدی، برادر محمد عباس، آصف صفوی اور کاظم عباس موجود تھے جبکہ عزاداری ونگ کراچی کے صدر برادر رضی حیدر رضوی اور وحدت یوتھ کراچی کے صدر برادر حسن رضا بھی شریک تھے۔
