سکیورٹی فورسز کی کاروائی کالعدم لشکر جھنگوی کے 6 دہشتگرد ہلاک

شیعیت نیوز: پاکستانی میڈیا کے مطابق آئی ایس پی آر نے بتایا کہ آپریشن کے دوران سکیورٹی اہلکاروں نے کالعدم لشکر جھنگوی اور سپاہ صحابہ کے ٹھکانے کو مؤثر طریقے سے نشانہ بنایا، جس کے نتیجے میں 6 دہشتگرد مارے گئے۔ آئی ایس پی آر کے مطابق ہلاک دہشتگردوں کے قبضے سے اسلحہ اور گولہ بارود بھی برآمد ہوا۔ ہلاک دہشتگرد سکیورٹی فورسز کے خلاف متعدد کارروائیوں کے ساتھ ساتھ بے گناہ شہریوں کے قتل میں بھی ملوث تھے۔ آئی ایس پی آر کا کہنا ہے کہ علاقے میں پائے جانے والے کسی ممکنہ دہشتگرد کو ختم کرنے کے لیے سینیٹائزیشن آپریشن بھی کیا گیا۔ سکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔

یہ بھی پڑھیں: جامعہ حقانیہ پر حملہ ملک کے تمام مدارس پر حملہ تصور کرتے ہیں، رہنما جمعیت علماء اسلام

دوسری جانب، صدر مملکت آصف زرداری نے شمالی وزیرستان میں 6 دہشتگردوں کو ہلاک کرنے پر سکیورٹی فورسز کو خراج تحسین پیش کیا۔ صدر مملکت کا کہنا تھا کہ سکیورٹی فورسز دہشتگردی کے خاتمے کے لیے کارروائیاں کر رہی ہیں، پوری قوم دہشتگردی کے خلاف متحد ہے۔ انہوں نے کہا کہ دہشتگردی کے مکمل خاتمے تک کالعدم لشکر جھنگوی اور سپاہ صحابہ کے خلاف کارروائیاں جاری رہیں گی۔