ایران اور ہمسایہ ممالک کے درمیان تجارتی تبادلے کا حجم 59.7 ارب ڈالر تک پہنچ گیا
گزشتہ سال کے مقابلے میں ایران کی تجارت میں 19.2 فیصد اضافہ ریکارڈ
شیعیت نیوز: مہر خبررساں ایجنسی کے مطابق، ایران کے ایوانِ صنعت و معدن کے ترجمان سید روح اللہ لطیفی نے کہا ہے کہ 21 مارچ 2024 سے 20 جنوری 2025 تک ایران اور 15 ہمسایہ ممالک کے درمیان تجارتی تبادلے کی مالیت 59.7 ارب ڈالر تک پہنچ گئی ہے۔
انہوں نے کہا کہ گزشتہ سال کے اسی عرصے کے مقابلے میں ایران کے تجارتی تبادلے میں 19.2 فیصد اضافہ ریکارڈ کیا گیا ہے۔ پہلے 10 مہینوں میں ایران اور اس کے ہمسایہ ممالک کے درمیان 93 ملین ٹن سے زائد مصنوعات کا تبادلہ کیا گیا۔
یہ بھی پڑھیں :
اس عرصے میں ایران نے 15 ہمسایہ ممالک کو 75 ملین ٹن سے زائد غیر پیٹرولیم مصنوعات برآمد کیں، جن کی مالیت 29 ارب ڈالر سے زیادہ ہے۔
انہوں نے اعداد و شمار پیش کرتے ہوئے کہا کہ اس عرصے میں ایران سے عراق نے 10 ارب ڈالر سے زائد، متحدہ عرب امارات نے 5 ارب ڈالر سے زائد، اور ترکی نے 961 ملین ڈالر مالیت کی غیر پیٹرولیم مصنوعات درآمد کیں۔
