اسرائیل کی دھمکی، ایران کی مذمت: لبنانی فضائی خودمختاری کی سنگین خلاف ورزی
بیروت میں ایرانی پرواز کی منسوخی پر احتجاج، رفیق حریری ایئرپورٹ جانے والی سڑک بند
شیعیت نیوز: ایران کی وزارت خارجہ کے ترجمان اسماعیل بقائی نے اسرائیل کی طرف سے لبنانی شہریوں کو لے جانے والے مسافر طیارے کی معمول کی پروازوں میں خلل ڈالنے کی دھمکی کا حوالہ دیتے ہوئے کہا کہ قابض رژیم کا یہ اقدام لبنان کی قومی خودمختاری اور بین الاقوامی قوانین کی سنگین خلاف ورزی ہے۔
انہوں نے انٹرنیشنل سول ایوی ایشن آرگنائزیشن (ICAO) سے سنجیدہ کارروائی کا مطالبہ کیا تاکہ قومی ہوابازی کی سیکیورٹی کے خلاف اسرائیل کے خطرناک اقدام کو روکا جا سکے۔
یہ بھی پڑھیں : بلوچستان میں دہشت گردی، ایران کی شدید مذمت اور ہمدردی کا اظہار
جمعرات کو بیروت کے حکام نے لبنانی زائرین کو لے جانے والے ایرانی طیارے کی پرواز کی اجازت منسوخ کر دی، جس پر عوام نے احتجاج کرتے ہوئے رفیق حریری ایئرپورٹ جانے والی اہم شاہراہ مکمل طور پر بند کر دی۔
مظاہرین کا مطالبہ تھا کہ دیگر پروازوں کی طرح ایرانی پرواز کو بھی ہوائی اڈے پر اترنے کی اجازت دی جائے۔
واضح رہے کہ لبنان پر مسلط نئی کٹھ پتلی حکومت ملک کی مزاحمت کے خلاف واشنگٹن اور تل ابیب سے ڈکٹیشن لے رہی ہے، جو اس ملک میں خانہ جنگی کا باعث بن سکتی ہے۔
