جنگ غزہ: حماس ناقابل شکست، اسرائیل عالمی سطح پر تنہا، امریکی وزیر خارجہ کا اعتراف

شیعیت نیوز: امریکی وزیر خارجہ انتھونی بلینکن نے اٹلانٹک کونسل تھنک ٹینک کے اجلاس میں کہا ہے کہ حماس کو صرف فوجی حملوں کے ذریعے شکست نہیں دی جا سکتی۔ ان کا کہنا تھا کہ حماس کے شہید ہونے والے افراد کی جگہ مزید افراد تنظیم میں شامل ہو چکے ہیں، جو اس بات کی نشاندہی کرتا ہے کہ فوجی کارروائی مسئلے کا حل نہیں۔

انہوں نے مزید کہا کہ غزہ کی موجودہ صورتحال نے اسرائیل کو عالمی سطح پر الگ تھلگ کر دیا ہے اور جنگ کے اثرات اسرائیل کی معیشت پر بھی پڑ رہے ہیں۔ بلینکن نے کہا کہ ہمارا مقصد مشرق وسطیٰ میں ایک نیا نقشہ پیش کرنا ہے اور اس مقصد کے تحت امریکہ نے گزشتہ سال اسرائیل کو 25 ارب ڈالر کی امداد فراہم کی۔

یہ بھی پڑھیں: صہیونی حکومت کی جنگ بندی غزہ کے عوام کی 15 مہینے کی مقاومت کی فتح ہے، حماس

بلینکن نے انکشاف کیا کہ قاہرہ اور دوحہ میں ہونے والے مذاکرات کے نتیجے میں غزہ میں جنگ بندی کے معاہدے کے لیے ایک حتمی فارمولے پر اتفاق ہو چکا ہے۔ ان کے مطابق، جنگ کے بعد غزہ کا انتظام ایک کمیٹی کے سپرد کیا جائے گا، جو اسے فلسطینی حکومت کے حوالے کرے گی۔ عارضی طور پر ایک سیکیورٹی فورس تشکیل دی جائے گی، جس میں اتحادی ممالک اور فلسطینی اتھارٹی کے تصدیق شدہ افراد شامل ہوں گے۔