اسرائیل کا شہید یحیٰ السنوار کا جسد خاکی واپس کرنے سے انکار
حماس نے اسرائیل کے ساتھ قیدیوں کے تبادلے کے ایک حصے کے طور پر شہید رہنما یحییٰ سنوار کا جسد حوالے کرنے کا مطالبہ کیا ہے جبکہ اسرائیلی میڈیا نے واضح طور پر کہا ہے کہ یہ درخواست قبول نہیں کی جائے گی
شیعیت نیوز : اسرائیلی حکام کا کہنا ہے کہ شہید یحییٰ سنوار کا جسد خاکی حماس کے حوالے نہیں کیا جائے گا۔
شہید یحییٰ السنوار رواں سال 16 اکتوبر کو صہیونی فوج کے ساتھ ہونے والے دو بدو جھڑپ کے دوران شہید ہوگئے تھے۔
جنوبی غزہ میں واقع رفح میں السنوار کی شہادت کے بعد صیہونی حکومت نے ان کی لاش اسرائیل منتقل کردی تھی۔
یہ بھی پڑھیں : نہج البلاغہ آج بھی مولا علیؑ کے بے مثال علم کی گواہ ہے، علامہ مقصود علی ڈومکی
اسرائیل کی جانب سے شہید سنوار کا جسد خاکی حوالے نہ کرنے کی خبر ایسے وقت میں سامنے آئی ہے جب صیہونی ذرائع نے کہا ہے کہ حماس اور اسرائیل کے درمیان غزہ میں جنگ بندی کا اعلان آج دوپہر کو ہونے والا ہے۔
گزشتہ رات حماس تحریک نے اعلان کیا تھا کہ غزہ میں جنگ بندی کے لیے مذاکرات میں اچھی پیش رفت ہوئی ہے۔
یہ بیانات دوحہ میں خلیل الحیہ کی سربراہی میں حماس کے ایک وفد کی قطر کے امیر تمیم بن حمد الثانی کے ساتھ ملاقات کے بعد سامنے آئے ہیں۔
