ایران تجارتی طیاروں کی تیاری میں عالمی معیار کے قریب ہے، رضا طلائی نیک

شیعیت نیوز: مہر خبررساں ایجنسی کی رپورٹ کے مطابق، ایران کی وزارت دفاع کے ترجمان بریگیڈیئر رضا طلائی نیک نے کہا کہ ایران کے پاس مسافر بردار اور تجارتی طیاروں کی تیاری میں سرفہرست ممالک میں شامل ہونے کی سائنسی صلاحیت موجود ہے۔

انہوں نے جزیرہ کیش میں منعقدہ 12ویں ایران انٹرنیشنل ایرو اسپیس نمائش کے حوالے سے بتایا کہ اس نمائش میں شریک ممالک کے علاوہ ایران کی قومی اور سائنسی صنعتوں کا بیشتر حصہ بھی موجود ہے۔

یہ بھی پڑھیں: مزاحمت کے بغیر سرزمین آزاد نہیں کرائی جاسکتی: شیخ نعیم قاسم

ایرانی وزارت دفاع کے ترجمان نے کہا کہ نمائش میں چین، روس، پاکستان، اور ملائیشیا کی شرکت ایران کے ساتھ سائنس اور ٹیکنالوجی کے تبادلے میں ان ممالک کی ہم آہنگی اور تعاون کی نشاندہی کرتی ہے۔

انہوں نے مزید بتایا کہ 12ویں ایران بین الاقوامی ایرو اسپیس نمائش کا آغاز 10 دسمبر کو جنوبی ایران کے جزیرہ کیش میں ہوا۔ یہ نمائش ملک کے ایرو اسپیس انفراسٹرکچر کو مضبوط بنانے کے لیے انتہائی اہم ہے۔

اس ایئر شو میں ایرو اسپیس انڈسٹری میں نئی ​​کامیابیوں کی نقاب کشائی کی گئی اور سائنس و ٹیکنالوجی کے تبادلے کے مواقع فراہم کیے گئے ہیں۔