پاکستانی جماعتوں کی شام کے خلاف امریکا اور اسرائیل کی سازش پر شدید مذمت

شیعیت نیوز: اسلام آباد میں ملی یک جہتی کونسل کی نشست نائب امیر جماعت اسلامی اور کونسل کے سیکریٹری جنرل لیاقت بلوچ کی صدارت میں منعقد ہوئی، جس میں مشرق وسطیٰ کے حالات، بالخصوص شام میں دہشت گردی کے حالیہ واقعات پر گہری تشویش ظاہر کی گئی۔

میٹنگ میں شریک سیاسی و مذہبی جماعتوں کے رہنماؤں نے اسلامی ممالک میں انتہا پسند دہشت گردوں کو سرگرم کرنے پر مبنی امریکا اور اسرائیل کی سازش کی مذمت کی۔ انھوں نے کہا کہ شام میں دہشت گرد گروہوں کے تازہ اقدامات اور جنگ افروزی واشنگٹن اور تل ابیب کی مشترکہ سازش کا نتیجہ ہے۔

یہ بھی پڑھیں: لکی مروت میں آپریشن: لشکر جھنگوی کے 5 دہشتگرد ہلاک، 2 گرفتار

پاکستان کی مذہبی و سیاسی جماعتوں نے فلسطینی عوام کی مشکلات کے حل اور دہشت گردوں کے خلاف جنگ میں شام کی مدد کی ضرورت پر زور دیا۔ انہوں نے کہا کہ شام کے واقعات فلسطین اور اس کے حامیوں کے خلاف دشمنوں کی نئی سازش کا نتیجہ ہیں۔

پاکستان کی ملی یک جہتی کونسل کے اراکین نے شہر پارا چنار کے حالات کی طرف اشارہ کرتے ہوئے اپنے ملک کے حکام اور سیکورٹی اداروں سے دہشت گردوں کی گرفتاری اور انہیں سزا دیئے جانے کا مطالبہ کیا۔

یاد رہے کہ امریکا، صیہونی حکومت اور ان کے اتحادیوں کی سازش کے نتیجے میں شام میں ایک بار پھر تکفیری دہشت گردوں نے سر اٹھایا ہے اور شام کے مغرب، شمال مغرب، اور جنوب مغرب میں دہشت گردی کا بازار گرم کرنے کی کوشش کی ہے۔

گزشتہ چند روز کے اندر شامی فوج کے زمینی آپریشن اور شام نیز روس کے مشترکہ فضائی حملوں میں ایک ہزار سے زائد دہشت گرد ہلاک ہوچکے ہیں۔