اہم ترین خبریںپاکستان
پنجاب پولیس نے میانوالی میں لشکر جھنگوی کا حملہ ناکام بنا دیا، 4 دہشتگرد ہلاک
پنجاب پولیس نے میانوالی میں لشکر جھنگوی کے دہشتگردوں کا حملہ ناکام بنا دیا، حملے میں 4 دہشتگرد ہلاک ہو گئے
شیعیت نیوز : پنجاب پولیس نے میانوالی کے تھانہ چاپری پر لشکر جھنگوی کے دہشت گردوں کی جانب سے کئے گئے اچانک حملے کو ناکام بنا دیا۔
کارروائی میں چار دہشتگرد مارے گئے۔
پولیس کے مطابق میانوالی کے تھانہ چاپری پر 20 سے زائد دہشت گردوں نے حملہ کیا۔
یہ بھی پڑھیں : شام میں دہشتگرد گروہ کا کمانڈر ہلاک، ویڈیو منظر عام پر آ گئی
اس دوران پولیس اور دہشتگردوں کے درمیان شدید فائرنگ کا تبادلہ ہوا۔
ترجمان پنجاب پولیس کے مطابق دہشت گردوں نے راکٹ لانچرز اور ہینڈ گرنیڈز بھی پھینکے، تاہم، تھانہ چاپری کا تمام عملہ محفوظ رہا۔
ترجمان نے بتایا کہ اس دوران دو پولیس اہلکارمعمولی زخمی ہوئے، جبکہ پولیس کی جوابی فائرنگ سے چار دہشت گرد ہلاک ہوگئے۔
