حزب اللہ کے ساتھ جنگ ہمیں نابود کردے گی، سابق صیہونی جنرل
صہیونی فوج کے سابق اعلی افسر نے کہا ہے کہ حزب اللہ اور حماس کو ختم کرنا اسرائیلی فوج کی طاقت میں نہیں ہے یہ جنگ ہمیں نابود کردے گی
شیعیت نیوز : غزہ اور لبنان میں ہزیمت آمیز شکست کے بعد صہیونی مبصرین حزب اللہ اور حماس کے خلاف صہیونی فوج کے حملوں کو ناکام قرار دے رہے ہیں۔
سابق صہیونی فوجی افسر اسحاق بریک نے کہا ہے کہ صہیونی فوج نے حزب اللہ اور حماس پر کاری وار کی ہے تاہم ان تنظیموں کی نابودی کے ہدف سے اب بھی بہت دور ہے۔
اسرائیلی فوج ایک سال تک مسلسل اور شدید حملوں کے باوجود حماس کو ختم نہیں کرسکی ہے۔
اسی طرح لبنان میں بھی کئی کلومیٹر تک لبنانی سرحد میں داخل ہوگئی لیکن مزید پیشرفت کرنے کی طاقت نہیں رکھتی ہے۔
یہ بھی پڑھیں : عالمی دہشتگرد نیتن یاہو کی رہائش گاہ پر شیلنگ گولوں کی بارش
انہوں نے کہا کہ حزب اللہ ہر روز سینکڑوں میزائل فائر کررہی ہے اور یہ جنگ ہمیں نابود کرکے رکھ دے گی۔
انہوں نے کہا کہ اسرائیلی فوج کئی محاذوں پر جنگ لڑ رہی ہے اور ہمارے فوجی اس جنگ کو جاری رکھنے اور اس میں شرکت سے گریز کررہے ہیں۔
سابق صہیونی افسر نے مزید کہا کہ گیلانت کی جگہ ایک ناتجربہ کار شخص کو وزیرجنگ بنایا گیا ہے۔ اس وقت عملی طور پر نتن یاہو خود وزیر جنگ ہیں۔
