حزب اللہ کا اہم ٹھکانوں پر حملہ 150 راکٹ فائر، دہشتگرد صیہونی فوج کے ہیڈ کوارٹر میں بھگدڑ

شیعیت نیوز: لبنان کی حزب اللہ نے ہفتے کے روز صیہونی حکومت کے اہم ٹھکانوں پر اپنے نئے میزائل حملوں کی خبر دی ہے۔ حزب اللہ نے اپنے بیان میں کہا ہے کہ غزہ کے عوام اور فلسطینی مزاحمت کی حمایت اور لبنان اور اس کے عوام کے دفاع میں آج صبح 10:00 بجے شمالی عکا میں شراگا بیس (گولانی بریگیڈ کمانڈ کا مینیجنگ ہیڈکوارٹر) کو میزائل کا نشانہ بنایا گیا ہے۔

حزب اللہ نے ہفتے کی صبح یعرا بیرک میں مغربی بریگیڈ کے ہیڈکوارٹر میں فوج کے اجتماع پر میزائل حملہ کیا۔ اس کے علاوہ، ہفتے کی صبح 10:55 پر، حزب اللہ نے سٹیلا مارس نیول بیس (شمالی ساحل پر اسٹریٹجک اور نگرانی کا اڈہ) پر کئی راکٹوں کے ساتھ حملہ کیا جو لبنان کی سرحد سے 35 کلومیٹر اور شمال مغربی حیفہ میں واقع ہے۔

یہ بھی پڑھیں: مقاومت کو میڈیا کے شعبے میں طاقتور ہونا چاہئے، حشد الشعبی عراق کے رہنما ہاشم الحیدری

لبنان کی اسلامی مزاحمت نے یہ بھی اعلان کیا کہ اس نے بیک وقت الجلیل اور خلیج حیفا پر 150 راکٹ فائر کیے ہیں۔ ادھر لبنانی ذرائع کے مطابق، ملک کے جنوب میں واقع ضاحیہ پر صیہونی فوج کے حملے کی بھی خبر ہے۔