ضلع ہرنائی میں سیکورٹی فورسز کی کاروائی، لشکر جھنگوی کے 3 دہشتگرد ہلاک
بلوچستان کے ضلع ہرنائی میں دہشت گردوں کے خلاف خفیہ معلومات کی بنیاد پر آپریشن کیا گیا، لشکر جھنگوی کے 3 تکفیری دہشتگرد ہلاک

شیعیت نیوز : بلوچستان کے ضلع ہرنائی میں دہشت گردوں کے خلاف خفیہ معلومات کی بنیاد پر آپریشن کیا گیا۔
سیکیورٹی فورسز نے دہشت گردوں کے خلاف مؤثر کارروائی کرتے ہوئے ان کے ٹھکانوں کو نشانہ بنایا۔
کارروائی کے نتیجے میں تین دہشت گردوں کو ہلاک کر دیا گیا۔
جبکہ دیسی ساختہ بارودی مواد کے دھماکے میں میجر سمیت دو سیکیورٹی اہلکار شہید ہوگئے۔
سیکیورٹی اداروں کو خفیہ اطلاع ملی تھی کہ دہشت گرد معصوم افراد کو نشانہ بنانے کے لیے ایک جگہ پر موجود ہیں۔
یہ بھی پڑھیں : شیعہ سنی متحد، باجوڑ میں جماعت اسلامی کے رہنما تکفیری دہشتگردوں کے ہاتھوں قتل
جس کے بعد میجر محمد حسیب کی قیادت میں فوری طور پر سیکیورٹی فورسز کو کارروائی کیلئے بھیجا گیا۔
سیکیورٹی فورسز نے دہشت گردوں کے خلاف مؤثر کارروائی کرتے ہوئے ٹھکانوں کو نشانہ بنایا۔
آپریشن کے دوران قیادت کرنے والی گاڑی کو دیسی ساختہ بارودی مواد سے نشانہ بنایا گیا۔
دھماکے کے نتیجے میں میجر محمد حسیب قیادت کرتے ہوئے جامع شہادت نوش کر گئے جبکہ حوالدار نور احمد بھی واقعہ میں شہید ہوگئے۔