تحریک لبیک کا دہشتگرد گستاخ ملزم احسن باکسر افغانستان فرار، وکیل کو قتل کی دھمکیاں

شیعیت نیوز: متنازعہ ملزم احسن باکسر، جو پاکستان میں انبیاء کرام، صحابہ، اور اہل بیت کی توہین میں ملوث رہا ہے، چودہ ماہ قبل حضرت امام مہدی علیہ السلام کی گستاخی کے بعد قانونی گرفت میں آیا تھا۔ احسن باکسر کے خلاف ایک وکیل نے کیس دائر کیا، جس کے نتیجے میں اسے قید کی سزا سنائی گئی تھی۔ تاہم، ملزم نے پاگل پن کا بہانہ بنا کر خود کو ہسپتال میں منتقل کرایا، جہاں سے وہ کچھ عرصے بعد فرار ہوکر افغانستان پہنچ گیا۔

اطلاعات کے مطابق، احسن باکسر نے افغانستان میں طالبان کی پناہ حاصل کر لی ہے اور اب مسلسل اپنے خلاف کیس لڑنے والے وکیل کو دھمکیاں دے رہا ہے۔ اس نے وکیل کو قتل کرنے اور کیس سے دور رہنے کی واضح دھمکیاں دی ہیں، جس سے وکیل اور ان کے خاندان کو شدید خطرات لاحق ہیں۔

یہ بھی پڑھیں: پارہ چنار: کالعدم لشکر جھنگوی کا شیعہ آبادی پر حملہ، ریاستی ادارے خاموش

ملزم کا تعلق مبینہ طور پر کالعدم تنظیم لشکر جھنگوی سے ہے، اور اس کے حالیہ اقدامات نے ملک میں امن و امان کے لیے ایک سنگین خطرہ پیدا کر دیا ہے۔ وکیل اور قانونی برادری نے حکومت، فوج، اور قانون نافذ کرنے والے اداروں سے مطالبہ کیا ہے کہ احسن باکسر کے خلاف فوری کارروائی کی جائے اور اسے پاکستان میں واپس لایا جائے تاکہ اسے عدالت میں پیش کرکے انصاف کے کٹہرے میں کھڑا کیا جا سکے۔

یہ معاملہ ایک حساس قومی مسئلہ بن چکا ہے، اور عوامی حلقے بھی حکومتی اداروں سے بروقت اور مؤثر اقدامات کی توقع رکھتے ہیں۔