سیکورٹی فورسز کی بروقت کاروائی، لشکر جھنگوی کے 6 دہشتگرد ہلاک

شیعیت نیوز : شمالی وزیرستان کے علاقے اسپن وام میں سیکیورٹی فورسز کے آپریشن کے دوران لشکر جھنگوی کے 6 دہشتگرد ہلاک اور 6 زخمی کئیے۔

دہشتگردوں کی موجودگی کی اطلاع پر انٹیلی جنس کی بنیاد پر آپریشن کیا گیا اور آپریشن کے دوران سیکیورٹی فورسز نے دہشتگردوں کے ٹھکانے کو مؤثر انداز میں نشانہ بنایا۔

ہلاک ہونے والے دہشتگردوں سے اسلحہ اور گولہ بارود بھی برآمد ہوا، یہ دہشتگرد سیکیورٹی فورسز پر دہشت گردانہ حملوں معصوم شہریوں کے قتل، اور شیعہ ٹارگٹ کلنگ میں ملوث تھے۔

علاقے میں کسی بھی باقی دہشتگرد کو ختم کرنے کے لیے کلیئرنس آپریشن جاری ہے۔

پاکستان کی سیکیورٹی فورسز ملک سے دہشت گردی کے ناسور کو جڑ سے اکھاڑنے کے لیے پرعزم ہیں۔

یہ بھی پڑھیں : شیعہ نسل کشی تھم نہ سکی، ڈی آئی خان میں ایک اور نوجوان سپاہ صحابہ نے شہید کردیا

وفاقی وزیر داخلہ محسن نقوی نے دہشت گردوں کے خلاف کامیاب آپریشن پر سیکیورٹی فورسز کو خراج تحسین پیش کیا۔

محسن نقوی نے کہا کہ 6 دہشت گردوں کو عبرتناک انجام تک پہنچانے پر سیکیورٹی فورسز کو سلام پیش کرتے ہیں۔

سیکیورٹی فورسز نے بروقت کارروائی کرکے لشکر جھنگوی کے دہشت گردوں کے مذموم عزائم کو ناکام بنایا۔

وزیر داخلہ نے کہا کہ قوم کو بہادر سیکیورٹی فورسز پر ناز ہے۔

دہشت گردوں کو پاکستان میں کہیں بھی چھپنے نہیں دیں گے۔

قوم کی حمایت سے دہشت گردوں کا صفایا کریں گے۔