بااثرمذہبی شخصیات کے قتل میں ملوث ٹرمپ کی واپسی دنیا کیلئے خطرہ ہے!علامہ ساجد علی نقوی

شیعیت نیوز: سربراہ شیعہ علماءکو نسل پاکستان علامہ سید ساجد علی نقوی نے اپنے بیان میں کہا ہے کہ چہرے تبدیل ہونے کی بجائے پالیسیاں تبدیل ہوں تو پھر فرق ضرور پڑے گا ۔

البتہ ڈونلڈ ٹرمپ کی جیت نہ صرف امریکہ کیلئے بلکہ دیگر خطوں کےلئے بھی یقینی طور پر غیر متوقع اور بڑی تبدیلی ، اس کے اثرات البتہ ضرور پڑیں گے۔

جنگ کے خاتمے کے اعلان پر سوال ہے کہ کیا یہ اعلان عملی شکل اختیار کرسکتا ہے ؟

ان خیالات کا اظہار قائد ملت جعفریہ پاکستان علامہ سید ساجد علی نقوی نے امریکی صدارتی انتخابات ، ڈونلڈ ٹرمپ کی ایک مرتبہ پھر جیت پر رد عمل دیتے ہوئے کیا۔

یہ بھی پڑھیئے: ڈونلڈ ٹرمپ نئے امریکی صدر منتخب، ایران نے اپنا واضح موقف دے دیا

علامہ سید ساجد علی نقوی نے خبردار کرتے ہوئے کہاکہ جنگ کے خاتمے کا اعلان کیا جارہاہے مگر امہ استعمار کی چالوں سے ضرور ہوشیار رہے کیونکہ چہرے تبدیل ہونے کی بجائے پالیسیاں تبدیل ہوں تو فرق پڑتا ہے۔

دنیا بھر کے مظلوموں خصوصاً غزہ، لبنان، شام سمیت مشرق وسطیٰ و باالخصوص مسلم امہ کےلئے کبھی استعمار و صہیونیت سے کوئی خیر کی توقع نہیں کی جاسکتی۔

انہوں نے مزید کہاکہ ڈیموکریٹس کی کی شکست اور ری پبلکن کی جیت نے یقینی طور پر امریکہ کی اندرونی سیاست کیساتھ دیگر خطوں پر یقینی طور پر غیر متوقع اثرات ضرورت مرتب ہونگے ۔

انہوں نے مزید کہاکہ بھولنا نہیں چاہیے اور خبردار رہنا چاہیے کہ ڈونلڈ ٹرمپ وہی صدر ہیں جنہوں نے فلسطین خصوصاً بیت المقدس کے حوالے سے ایک گھناؤنا اور نام نہاد معاہدہ متعارف کرایا

اس کےلئے سرمایہ کاری، ہوشیاری اور تحکمانہ انداز سے دباؤ بھی بڑھایا تھا تاکہ ناجائز صہ۔یونی ریاست کو مزید مضبوط کیا جاسکے

اہم بااثر سیاسی و مذہبی شخصیات کو ٹارگٹ کرنے کے قبیح منصوبے بھی اسی صدر کے دور میں بنائے گئے تھے۔