کالعدم لشکر جھنگوی، سپاہ صحابہ کی دہشت گرد کارروائیوں کے لیے فنڈنگ کا منصوبہ بے نقاب
نجی کارگو ٹرک سے سونا لوٹنے کے منصوبے میں سی ٹی ڈی اہلکار بھی شامل
شیعیت نیوز : ذرائع کے مطابق نجی کارگو ٹرک کے ڈرائیور سے 12 کلو سونا قبضے میں لے کر فروخت کر کے آدھا حصہ کالعدم لشکر جھنگوی، سپاہ صحابہ اور باقی آپس میں تقسیم کرنے کا پلان بنایا گیا تھا۔ سی ٹی ڈی اہلکار گل زادہ نے منصوبے کا پول کھول دیا۔
انسداد دہشت گردی کے ذرائع کے مطابق سی ٹی ڈی خیبر نے دہشت گردوں سے مل کر 12 کلو سونا لوٹنے والے اپنے اہلکار سمیت دو ملزمان کو گرفتار کیا ہے۔
سی ٹی ڈی اے ایس آئی نعمان نے نجی کارگو ٹرک کے ڈرائیور سے بارہ کلو سونا قبضے میں لے کر ہڑپنے کا منصوبہ بنایا تھا جس میں سونا فروخت کرکے آدھا حصہ کالعدم لشکر جھنگوی، سپاہ صحابہ اور باقی آپس میں تقسیم کرنے کا پلان تھا۔
یہ بھی پڑھیں : ضلع کرم میں لشکر جھنگوی کی شیعہ برادری کو ٹارگٹ کرنے کی کھلے عام دھمکیاں
سی ٹی ڈی ذرائع کا کہنا ہے کہ ہمارے افسران نے ملزمان کو حراست میں لیا اور سی ٹی ڈی اہلکار گل زادہ کے انکشافات کے بعد تمام گروپ کی نشاندہی ہوئی۔ واقعے کی رپورٹ ضلع خیبر کے سی ٹی ڈی تھانے میں درج کر کے مزید تحقیقات شروع کر دی گئی ہیں۔
