اہم ترین خبریںپاکستانپاکستان کی اہم خبریں

سی ٹی ڈی کی کارروائی، کالعدم لشکر جھنگوی کے تین خطرناک دہشت گرد گرفتار

محکمہ انسداد دہشت گردی کی کارروائی، ملزمان سے اسلحہ اور تنظیمی لٹریچر برآمد

شیعیت نیوز: محکمہ انسداد دہشت گردی کی جانب سے جاری بیان میں کہا گیا کہ دہشت گردوں کی فائرنگ سے پولیس کانسٹیبل کے شہید ہونے کے بعد سی ٹی ڈی نے مخبری پر کارروائی کی اور کالعدم لشکر جھنگوی کے تین دہشت گردوں فرہاد، حاجی رحمٰن اور محمد صغیر کو گرفتار کر لیا۔

پولیس نے گرفتار ملزمان کے قبضے سے 3 پستول اور تنظیمی لٹریچر برآمد کر لیا۔

دوران تفتیش ملزمان نے انکشاف کیا کہ ان کا تعلق کالعدم لشکر جھنگوی کے مولانا بشیر گروپ سے ہے اور اس نے ہی انہیں کراچی میں پولیس پر حملے کا ٹاسک دیا تھا۔

یہ بھی پڑھیں: ہوس کے پجاری کلعدم سپاہ صحابہ کے عامل جعلی کے ہاتھوں کم سن لڑکیوں کی عزت تار تار

بیان میں کہا گیا کہ ملزمان سے برآمد اسلحے کو تجزیے کے لیے لیبارٹری بھیجا جائے گا اور ان سے تفتیش میں مزید انکشافات متوقع ہیں۔

واضح رہے کہ رواں سال 3 جون کو دہشت گردوں نے سہراب گوٹھ کے علاقے میں پولیس پر فائرنگ کردی تھی جس کے نتیجے میں کانسٹیبل محمد یٰسین شہید اور کانسٹیبل سلمان عباس زخمی ہو گئے تھے۔

متعلقہ مضامین

Back to top button