شیعیت نیوز : تاجکستان سے واپسی کے فوراً بعد، محمد باقر غالباف اگلے دن تہران سے بیروت کے لیے روانہ ہوئے تاکہ لبنانی حکام سے ملاقات کر سکیں۔
اسرائیلی حکومت نے 8 اکتوبر 2023 سے جنوبی لبنان پر جارحیت شروع کر رکھی ہے۔
اسرائیلی حکومت کی طرف سے حزب اللہ کے سیکرٹری جنرل سید حسن نصراللہ کی شہادت عالم اسلام کے لئے اہم نقصان ہے۔
انھوں نے ایک نیوز کانفرنس میں صحافیوں کو بتایا کہ اگر لبنانی حکومت نقل و حمل کے لیے فضائی راہداری تیار کرتی ہے تو ایرانی قوم اور حکومت لبنان کے جنگ زدہ عوام کے لیے فوری امداد بھیجنے کے لیے تیار ہے۔
ایران مختلف شعبوں میں لبنانی قوم، حکومت اور مزاحمت کی حمایت کرے گا۔
یہ بھی پڑھیں : زخمی صہیونی فوجیوں کا ہسپتالوں میں سیلاب امڑ آیا
لبنان کی پارلیمنٹ کے اسپیکر نبیح بیری سے ملاقات سے قبل غالباف نے لبنانی وزیر اعظم نجیب میقاتی سے ملاقات کی اور مغربی بیروت میں اسرائیل سے متاثرہ جنوبی دحیہ اور البستا کا دورہ کیا۔
غالب کل سے شروع ہونے والی بین الاقوامی بین الپارلیمانی اسمبلی (آئی پی یو) میں شرکت کے لیے آج شام بیروت سے جنیوا کے لیے روانہ ہو گئے۔
اسرائیلی حکومت کے جرائم کی تفصیل بیان کرنا اور حکومت اور اس کے جرائم کے خلاف مزاحمتی گروہوں کی حمایت کا اعلان لبنانی اور فلسطینی عوام کے پیغام کو دنیا تک پہنچانا ان کے ایجنڈے میں شامل ہے۔
