شیعیت نیوز: یمنی فوج نے بحیرہ احمر اور بحیرہ ہند میں کشتیوں پر حملے کرنے کا اعلان کیا ہے۔
یمنی فوجی ترجمان میجرجنرل یحیی سریع نے کہا ہے کہ غزہ اور لبنان کے مظلوم عوام کے ساتھ یکجہتی کا اظہار کرتے ہوئے یمنی فوج نے سمندر میں دو کاروائیاں کی ہیں۔
انہوں نے بتایا کہ یمنی فوج نے بحیرہ احمر میں امریکی تیل بردار کشتی "اولمپک سپرٹ” پر بیلسٹک میزائلوں سے حملہ کیا، جس کے نتیجے میں کشتی کو شدید نقصان پہنچا ہے۔ دوسرا حملہ بحیرہ ہند میں ہوا، جس میں یمنی فوج نے میزائلوں کی مدد سے ایک اور کشتی کو نشانہ بنایا۔
یہ بھی پڑھیں: صیہونی وزیر خزانہ کا نیل سے فرات تک یہودی ریاست کے قیام کا اعلان
یمنی ترجمان کے مطابق، وارننگ کے باوجود کشتی کا مالک صہیونی بندرگاہوں کی طرف کشتی لے جانے کی کوشش کر رہا تھا۔ میجر جنرل یحیی سریع نے مزید کہا کہ غزہ اور لبنان پر صہیونی جارحیت کے خاتمے تک بحیرہ احمر کے علاقے میں کاروائیاں جاری رہیں گی۔
