آج شیعہ سنی نہیں، بلکہ حسینیت اور یزیدیت کی پہچان کا وقت ہے، علامہ رمضان توقیر

شیعیت نیوز : ڈیرہ اسماعیل خان میں شیعہ علماء کونسل پاکستان کے مرکزی نائب صدرعلامہ محمد رمضان توقیر نے خطاب کیا۔

اس موقع پرانہوں نے کہا کہ دشمن استعمار تشیع کو کمزور کرنے کے لئے تین کاموں پر زور لگا رہا ہے۔

مسلمانوں میں تفریق، مرجعیت کی طاقت کو کمزور اور عزاداری سید الشہداء کے خلاف سازشیں۔

مسلمانوں کے درمیان تفرقہ بازی اور انتشار پیدا کر کے انہیں کمزور کرنے کی کوشش کر رہا ہے۔

آج سنی، شیعہ کا کوئی مسئلہ نہیں، دو نظریے ہیں، حسینیت اور یزیدیت، یعنی حق اور باطل ہیں۔

اسماعیل ہنیہ، حسن نصر اللہ اور قاسم سلیمانی کی شہادت عالم اسلام کے لئے ناقابل تلافی نقصان ہے۔

یہ بھی پڑھیں : آئی ایس او کے زیر اہتمام پاراچنار میں محبین مہارتی پروگرام

اہلسنت مجاہد لیڈر کا جنازہ شیعہ لیڈر نے پڑھا کر ثابت کر دیا ہے کہ مسلمانوں کے درمیان کوئی مسئلہ نہیں ہے۔

امام علیؑ کا فرمان ہے کہ ظالم و جابر کے مخالف رہو اور مظلوم کی حمایت کرو۔

جس پر شہید حسن نصر اللہ نے عمل کرتے ہوئے فلسطین کے مسلمانوں کی حمایت مسجد کی بقا و حفاظت کے لئے جدوجہد کی کوشش کی وہ اپنے نیک مقاصد میں کامیاب ہو کر خدا کی بارگاہ میں سرخرو ہو کر پیش ہوئے ہیں۔

ملت تشیع میں تفرقہ بازی پھیلانے کی سر توڑ کوشش کی جارہی کیونکہ استعمار کا مقابلہ ہی مولا متقیان کی اولاد یا اس کے ماننے والے کر سکتے ہیں۔

روح عزاداری کو کمزور کرنے کی کوشش کی جارہی ہے، انکو ناکام بنانے کے لئے مرجعیت کے خلاف سازشیں کر رہے ہیں۔

نوجوان سے اپیل کرتا ہوں سوشل میڈیا کا صحیح طریقہ سے استعمال کریں اور کسی کے مقدس کو چھیڑنے کے بجائے مولا علیؑ کے نا ختم ہونے والے فضائل کو اجاگر کرنے کی کوشش کریں۔