سابق قائم مقام صدر ایران محمد مخبر، مشیر رہبر معظم مقرر

شیعیت نیوز : رہبر معظم انقلاب اسلامی حضرت آیت اللہ العظمی خامنہ ای نے ایک فرمان کے ذریعے سابق قائم مقام صدر ڈاکٹر محمد مخبر کو اپنا مشیر اور معاون مقرر کردیا۔

شہید صدر رئیسی کی مدبرانہ پالیسی کو آگے بڑھانے کے لئے ملک کے مختلف اداروں کی مدد کےلئے نوجوان اور باصلاحیت افرادی قوت کی شناخت اور ملازمت کی فراہمی کی ذمہ داری سونپ دی۔

یہ بھی پڑھیں : بلتستان کو فلسطین بنانے کی منصوبہ بندی ہو رہی ہے ، علامہ شیخ اعجاز بہشتی

رہبر انقلاب اسلامی کے فرمان کا متن حسب ذیل ہے:

بسم الله الرحمن الرحيم

جناب ڈاکٹر محمد مخبر دام توفیقہ

آپ کی انتظامی اور اقتصادی شعبوں میں پرعزم اور مؤثر خدمات، خاص طور پر شہيد رئیسی حکومت میں مختلف منصوبوں کے نفاذ میں باصلاحیت افراد کی حوصلہ افزائی اور محنتی نوجوانوں کو ملازمت فراہم کرنے کی درست اور دانشمندانہ پالیسی کے پیش نظر، آپ کو مشیر اور معاون کے طور پر مقرر کرتا ہوں۔

توقع ہے کہ مذکورہ پالیسی کے تحت نوجوان صلاحیتوں کی شناخت اور ان کے ساتھ تعاون کو منطقی منصوبہ بندی کے ساتھ آگے بڑھاتے ہوئے متعلقہ حکومتی اداروں میں ان سے بھرپور فائدہ اٹھائیں گے۔

اللہ تعالی سے آپ کی کامیابی کے لئے دعا گو ہوں۔