ایرانی خفیہ اداروں کی کامیاب کارروائی، 6 صوبوں میں صیہونی نیٹ ورک گرفتار
ایران میں سپاہ پاسداران انقلاب نے 12 صیہونی گماشتوں پر مشتمل نیٹ ورک کو گرفتار کر لیا
شیعیت نیوز: ایرانی خفیہ اداروں کی بروقت کارروائی سے ملک کے 6 صوبوں میں 12 کرائے کے عناصر اور صیہونی گماشتوں پر مشتمل ایک نیٹ ورک گرفتار کر لیا گیا ہے۔
اس سلسلے میں سپاہ پاسداران انقلاب کے شعبہ تعلقات عامہ نے ایک نوٹس جاری کیا ہے جس کا متن حسب ذیل ہے:
بسم الله الرحمن الرحیم
ایران کے عظیم اور بہادر عوام کو مطلع کیا جاتا ہے: صیہونی رجیم اور اس کے مغربی اور یورپی حامیوں، بالخصوص امریکہ، کی غزہ اور لبنان کے عوام کے خلاف اپنے مذموم شیطانی اہداف کے حصول میں ناکامی کے بعد، اس جعلی اور نسل پرست رجیم کے سرغنوں نے ان دنوں اسٹریٹیجک چیلنج سے بچنے کے لیے اسلامی جمہوریہ ایران کی سرزمین میں داخل ہو کر کئی سکیورٹی خطرات اور دہشت گردانہ کارروائیوں کو اپنے ایجنڈے میں شامل کر لیا تھا۔
یہ بھی پڑھیں: پاک ایران تجارتی حجم میں دس فیصد اضافہ
تاہم، خدا کی مدد سے امام زمان ع کے گمنام سپاہیوں اور سپاہ پاسداران انقلاب اسلامی کے انٹیلیجنس ادارے کی جہادی کوششوں سے 12 کرائے کے عناصر اور ایجنٹوں پر مشتمل اس گروہ کو ملک کے 6 صوبوں میں شناخت کیا گیا اور ایک فیصلہ کن انٹیلیجنس کارروائی کے ذریعے انہیں گرفتار کر لیا گیا ہے۔
