اسرائیل نے حماس کی طاقت کے سامنے بے بسی کا اعتراف کر لیا

شیعیت نیوز: ارنا نے صیہونی حکومت کے ٹی وی چینل بارہ کے حوالے سے رپورٹ دی ہے کہ غاصب صیہونی حکومت کے چیف آف آرمی اسٹاف، ہرتزی ہالیوی، نے غزہ میں صیہونی حکومت کے قیدیوں کی فیملیوں کے نمائندوں سے ملاقات میں کہا کہ غزہ سے صیہونی قیدیوں کی واپسی وقت گزرنے کے ساتھ مزید پیچیدہ اور مشکل ہوتی جائے گی۔

انھوں نے کہا کہ غاصب صیہونی حکومت کی فوج کو غزہ میں صیہونی قیدیوں کے بارے میں معلومات اکٹھا کرنے میں کافی زیادہ مسائل کا سامنا ہے۔

یہ بھی پڑھیں: غزہ میں صیہونی حملے: اسکول پر فضائی حملے میں پانچ فلسطینی شہید

صیہونی حکومت کے چیف آف آرمی اسٹاف نے کہا کہ جب تک ہم غزہ میں حماس کے ساتھ کسی اتفاق رائے تک نہیں پہنچ جاتے، اس وقت تک انھیں واپس لانے کے لیے تمام کوششیں بروئے کار لائیں گے۔

ہالیوی نے غزہ میں صیہونی قیدیوں کی فیملیوں کے نمائندوں سے غزہ کی جنگ ختم ہونے کی تاریخ کے بارے میں کہا کہ جنگ ختم ہونے کا وقت معلوم نہیں ہے۔ انھوں نے کہا کہ صیہونی فوج ابھی اپنے مقصد سے کافی دور ہے۔