بلوچستان سے غلاظت کو ختم کیا جائے گا، گورنر سندھ

شیعیت نیوز: گورنر سندھ کامران ٹیسوری نے کہا ہے کہ بلوچستان سے غلاظت کو ختم کیا جائے گا۔

دہشت گردوں کو بیرونی اشارے اور فنڈز ملتے ہیں۔

گورنر ہاؤس کراچی میں پریس کانفرنس کے دوران کامران ٹیسوری نے کہا۔

کہ آج بلوچستان میں شہید افراد کی غائبانہ نماز جنازہ ادا کی ہے، شہدا کے ایصال ثواب اور پاکستان کی سلامتی کے لیے دعا کی گئی ہے۔

انہوں نے کہا کہ بلوچستان میں جو صورتحال دیکھی ایسا ہی واقعہ پشاور میں اے پی ایس کا تھا۔

پوری قوم ایسے دہشت گردوں کے خاتمے کے لیے آواز بلند کر رہی تھی۔

یہ بھی پڑھیں: ایران فلسطینی عوام کی حمایت جاری رکھے گا، ایرانی وزیر خارجہ

گورنر سندھ نے مزید کہا کہ آج بھی پوری قوم ریاست اور افواج پاکستان کے ساتھ کھڑی ہے، اب مطالبہ ہے کہ اس غلاظت کو بلوچستان سے ختم کیا جائے۔

اُن کا کہنا تھا کہ ایسا نہیں چلے گا کہ گھیرا تنگ ہو تو مذاکرات کریں اور پیٹھ میں چھرا گھونپ دیں، ہم نے آپ کو پھول اور خون دے کر دیکھ لیا ہے۔

کامران ٹیسوری نے یہ بھی کہا کہ یہ دہشت گرد ہیں، جنہیں بیرونی اشارے اور فنڈز ملتے ہیں۔

ان سازشوں کے تانے بانے افغانستان میں ’را‘ کے سیٹ اپ سے ملتے ہیں۔