شیعیت نیوز: حزب اللہ کی صیہونیت مخالف کارروائی پر حماس نے اپنے بیان میں مبارکباد پیش کرتے ہوئے اسے مثالی انتقامی کارروائی قرار دیا اور کہا کہ غزہ و لبنان پر مسلسل صیہونی جارحیت اور فواد شکر کے قتل کا جوابی اقدام مقبوضہ فلسطین میں اندر پہنچ کر دیا جانا نہایت غیر معمولی اور قابل ستائش ہے۔
حماس نے تاکید کی ہے کہ اس طرح کا سخت ردعمل غاصب صیہونی حکومت کے منہ پر طمانچہ اور اس بات کا پیغام ہے کہ لبنان و فلسطین کی قوموں کے خلاف دہشت گردی اور جرائم کے ارتکاب کا جواب ضرور دیا جائے گا اور غاصب صیہونی حکومت کے شرمناک منصوبے کبھی کامیاب نہیں ہوں گے۔
یہ بھی پڑھیں : سرایا القدس کے کمانڈر کی شہادت
تحریک حماس نے جنوبی لبنان پر صیہونی جارحیت کی شدید مذمت بھی کی۔ جہاد اسلامی فلسطین نے بھی ایک بیان میں اعلان کیا ہے کہ حزب اللہ لبنان کی اس قسم کی انتقامی کارروائی قابل مبارکباد ہے۔ اس بیان میں کہا گیا ہے کہ حزب اللہ لبنان کے حملوں نے ثابت کر دیا کہ غاصب صیہونی حکومت صرف طاقت کی زبان سمجھتی ہے۔
