حزب اللہ نے اسرائیل کی کمزوری پکڑ لی

شیعیت نیوز : المیادین چینل نے عبرانی میڈیا کے حوالے سے خبر دی ہے کہ شمالی محاذ پر ڈرونز کا خطرہ شدت اختیار کر گیا ہے اور ایک ہی وقت میں ان درجنوں ڈرونز کی خوفناک پرواز کے حوالے سے صیہونیوں میں خدشات بڑھ گئے ہیں۔

عبرانی میڈیا رپورٹس میں کہا گیا ہے کہ دشمنوں نے ہماری کمزوری پکڑ لی ہے، وہ سستے اور معمولی ڈرونز کے ذریعے حساس تنصیبات کو نشانہ بنانے لگے ہیں۔

عبرانی ذرائع نے مزید بتایا ہے کہ حزب اللہ کے ڈرونز اسرائیلی فورسز کو نشانہ بناتے ہیں اور یہ اپنی ہائی ٹیک پاور سے ناقابل یقین حد تک ہماری حساس تنصیبات تک پہنچنے کی صلاحیت رکھتے ہیں۔

یہ بھی پڑھیں : ایران کے خوف سے صیہونی وفد دوحہ پہنچ گیا، صیہونی ذرائع

اس رپورٹ میں کہا گیا ہے کہ ان ڈرونز سے نمٹنے کے لیے فضائی دفاعی نظام کے ناکارہ ہونے کے خدشات شدت اختیار کر گئے ہیں۔ ہمارا دشمن ہمارے خلاف جدید ٹیکنالوجی استعمال کرنے کے لیے جارحانہ حد تک لچکدار اور ترقی یافتہ ہے۔

عبرانی میڈیا ذرائع نے خدشہ ظاہر کیا کہ شمالی محاذ خوفناک حد تک کشیدہ ہے اور ہم سرحدی شہروں میں ہونے والے غیر معمولی نقصان کا مشاہدہ کر رہے ہیں۔