شیعیت نیوز: امیر جماعت اسلامی حافظ نعیم الرحمان نے کہا ہے کہ ملک میں 74 فیصد افراد اپنے اخراجات پورے نہیں کر سکتے، 80 فیصد نوجوان اس ملک میں نہیں رہنا چاہتے، حکمران لاء اینڈ آرڈر کی صورتحال کو بہتر کریں۔ حافظ نعیم الرحمان نے کہا کہ پاک ایران گیس لائن پاکستان کی اس وقت اہم ضرورت ہے، پاک ایران گیس پائپ لائن پر فوری کام ہونا چاہئے، عوام پر ٹیکسز عائد کئے جا رہے ہیں، تاجر اور صنعتکاروں کو شکایات ہیں، ہماری ایکسپورٹ بھی متاثر ہو رہی ہیں، ایف بی آر ٹیکس کو بڑھانے کے بجائے کرپشن کو بڑھا رہا ہے۔
یہ بھی پڑھیں : حافظ نعیم الرحمان امیر جماعت اسلامی پاکستان منتخب
حافظ نعیم الرحمان نے کہا کہ فیض حمید کا معاملہ فوج کا اندرونی معاملہ ہے، اس پر بات نہیں کرنا چاہتا، سمگلنگ بند ہو جائے تو پاکستان کے حالات بہتر ہونا شروع ہو جائیں گے۔ امیر جماعت اسلامی نے کہا کہ ہم نہیں چاہتے کہ عوام مایوس ہوں، 40 دن سڑکوں پر موجود رہیں گے، تاجروں سے مشاورت جاری ہے۔ ان کا کہنا تھا کہ ہمارے پاس متعدد آپشنز موجود ہیں، یہ جماعت اسلامی کا مسئلہ نہیں، 25 کروڑ عوام کا مسئلہ ہے، آئی پی پیز کو رو رہے تھے، مٹیاری میں 4 ہزار میگاواٹ پاور پروجیکٹ کے بھی کیپسٹی چارجز آ گئے۔
